Confidentialité
Texte provisoire, mazel ma tverifach men 3and juriste.
Thi9a t3awen el boutiquet online fi Tounes bech ykonfirmiw el commandes w yjam3ou avis mte3 clients 7a9i9iyin. Houni nfasrou chnouwa el données elli nesta3mlouha w 3lech.
El données elli tjina
Ki boutique t9ayyed commandtek: esmek, noumrou mte3ek, el mdina wala el wileya, el produit w el soum. Ki ta3ti avis: el note, el commentaire w el lougha.
Noumrou mte3ek
Mkhabbi w mchiffri. Nesta3mlouh ken bech nab3thoulek el code b SMS w invitation wa7da bech ta3ti avis. 7atta 7ad ma ychoufou kamel: el boutique w équipe mte3na ychoufou ken e5er 3 ar9am.
Chnouwa yodhher lel 3bed
Fi page el boutique: el note, el commentaire, esmek el louwel w mditek. Jamais noumrou mte3ek wala esmek kamel.
Chnouwa ma na3mlouch
Ma famma la pub, la traceurs, la nbi3ou données. Flous el boutique 3omrha ma tbaddel note, ma t5abbi avis w ma tbaddel tartib el avis.
9addech nkhalliw el données
Bech nfasrouha m3a juriste mte3na.
7ou9ou9ek
Tnajjem totlob copie men el données mte3ek wala tfas5ha. Ekteblna 3al adresse elli louta; nverifiw 9bal elli el noumrou mte3ek. Ba3d el fas5: esmek, noumrou w mditek yetfas5ou; el avis mte3ek yo93ed b esm « Client ».